कञ्चनपुर। कञ्चनपुरको दोधाराचाँदनीमा महाकाली नदीमा डुबेर एक किशोरी बेपत्ता भएकी छन् ।

दोधाराचाँदनी नगरपालिका–१० स्थित महाकाली नदीमा सोमबार स्थानीय सृष्टि सुनार डुबेर बेपत्ता भएकी हुन् ।

सशस्त्र प्रहरी बलका अनुसार, नदी किनारमा भिडियो बनाउने क्रममा सुनार अचानक नदीमा खसेर बेपत्ता भएकी थिइन् ।

घटना लगत्तै सशस्त्र प्रहरी बल, देवीस्थानको टोली घटनास्थलमा पुगेर नदी तथा आसपासको क्षेत्रमा खोजी थालेको छ ।

बेपत्ता किशोरीको अवस्था हालसम्म अज्ञात रहेको र उनको खोजी कार्य जारी रहेको सशस्त्र प्रहरीले जनाएको छ ।